Լոռու Անտառամուտ գյուղը կամ հին անունով հայտնի Քոլագիրանը 1870 թ-ին է հիմնադրվել, անվանափոխվել 1948-ին։
Դրախտային վայր է Անտառամուտը՝ սիրուն սարերով ու ջրվեժով։ Բայց քանի դեռ ճանապարհ չկա, Անտառամուտի տեղն իմացող չի լինի, ասում են տեղացիները։
Ճանապարհը գյուղի գլխավոր, բայց միակ խնդիրը չէ։ Անտառամուտցիները շատ բաներից են զրկված․ փոստ, խանութ, դեղատուն էլ չունեն։ Ամեն ինչ տեղը կընկնի, միայն թե ճանապարհ ունենան։
Իսկ վարչական ղեկավարը ճանապարհի հետ կապված հուսադրող լուր ունի։
