2010 թվականի սեպտեմբերի 27-ին Արցախի հերոս, Շուշիի ազատագրման օպերացիայի հրամանատար Արկադի Տեր-Թադևոսյանը (Կոմանդոս) հյուընկալվել էր Օձունի համար 1 միջնակարգ դպրոցում։ Նրան ուղեկցում էր Արցախյան պատերազմին թիկունքից անմիջականորեն մասնակցած կապավոր Սերգեյ Աթարբեկյանը, որը շատերին հայտնի է կապավորի իր ԷռԿա ծածկանունով։
«Մենք պետք է հասկանանք, որ ոչ միայն զինվորականներն են մեր ազգը պահում, այլ ազգի առաջին գծում նաև դպրոցներն են»,- Օձունի դպրոցում աշակերտների հետ հանդիպման ավարտին ասել է Արկադի Տեր-Թադևոսյանը։
