Ալավերդու համայնքապետարանի և «Լուքինգ ֆորվարդ» զբոսաշրջության զարգացման հիմնադրամի միջև կնքված պայմանագրով Սանահինում գտնվող Միկոյան եղբայրների թանգարանը 2 տարի ժամկետով հանձնվել էր նշված հիմնադրամի կառավարմանը։ Երկու տարվա ընթացքում հիմնադրամը թանգարանի շենքում հիմնանորոգման, ցուցանմուշների արդիականացման ու թանգարանի հանրահռչակման ուղղությամբ այլ աշխատանքներ է իրականացրել։ Հիմա թանգարանը նորից համայնքի կառավարմանն է հանձնվել։
