Մարտի 16-ից մինչև ապրիլի 14-ը Հայաստանում արտակարգ դրություն է հայտարարվել՝ կորոնավիրուսի համավարակով պայմանավորված։ Իսկ երեկվանից՝ ժամը 23։59-ից, խստացվել են արտակարգ դրության սահմանափակումները։ Մինչև մարտի 31-ը Հայաստանի քաղաքացիները տնից պետք է դուրս գան կենսական անհրաժեշտության դեպքում և ներկայացնեն անձնագիր ու պարետատան կողմից սահմանված ձևաթուղթ։ Սահմանափակումները խախտող քաղաքացիները կենթարկվեն վարչական պատասխանատվության, իսկ տնից դուրս գալու հետևանքով մեկ ուրիշին վարակելը քրեորեն պատժելի արարք է համարվում։ Եվ չնայած սահմանափակումներին ու խստացումներին՝ Ալավերդի քաղաքի կենտրոնն այսօր մարդաշատ էր։
2020-03-25
