Լոռու մարզի Ճոճկան գյուղի մեծ ու հին գերդաստաններից մեկը Ռևազյաններինն է: Պավլե Ռևազյանի մեծ ընտանիքի անդամներից շատերը հիմա Ռուսաստանում են ապրում: Այս գերդաստանի մեծ հայրը՝ Պավլեն, 10 զավակ է ունեցել: Իսկ թոռները 30-նն են: Օջախի կրակն անմար պահելու և թոռների ու ծոռների կապն ավելի ամրապնդելու նպատակով գերդաստանի շառավիղնեերը հանդիպել են իրենց պապի գյուղում՝ Ճոճկանում, հիշել իրենց մեծերին ու իսկական խնջույք կազմակերպել:
