Ալավերդիում կարի արտադրամասի աշխատակիցները գործադուլ են անում

Ալավերդիում կարի արտադրամասի աշխատակիցները գործադուլ են անում

Այսօր՝ դեկտեմբերի 27-ին, Ալավերդու նորաբաց «Կոտտոնի» կարի արտադրամասում բողոքի ալիք է բարձրացել: Արտադրամասի շուրջ 150 աշխատակիցները ընկերության համասեփականատեր Կարեն Դասոյանից իրենց նոյեմբեր ամսվա աշխատավարձն են պահանջում: Նշենք, որ Դասոյանը խոստացել էր ուշացած աշխատավարձը վճարել մինչև դեկտեմբերի 27-ը: Կարող բանվորուհիները սպասել են մինչև նշված ժամկետը: Ալավերդու «Կոտտոնի» կարի արտադրամասն առաջին արտադրանքը  տվել է նոյեմբերի 11-ին: Մանրամասները՝ տեսանյութում

Կարդալ

Հինգ թեկնածու՝ Ալավերդու համար 4 մանկապարտեզի տնօրենի պաշտոնի համար

Հինգ թեկնածու՝ Ալավերդու համար 4 մանկապարտեզի տնօրենի պաշտոնի համար

Այս տարեվերջին լրանում է Ալավերդու համար 4 մանկապարտեզի տնօրեն Լաուրա Ավագյանի  աշխատանքային պայմանագրի ժամկետը: 40 և ավելի տարիներ մանկապարտեզը ղեկավարած տնօրենն անցնելու է վաստակած հանգստի: Ալավերդու համայնքապետարանում դիմումներ են ստացվել քաղաքացիներից, ովքեր ուզում են դառնալ այս  մանկապարտեզի տնօրենը: Ալավերդու համայնքապետ Սասուն Խեչումյանը 5 դիմում է մակագրել, որով դիմումատուները իրավունք են ստացել մասնակցելու մրցույթ ընտրությանը: Մանրամասները՝ տեսանյութում

Կարդալ

Վորլդ Վիժն Հայաստանը 30 տարեկան է

Վորլդ Վիժն Հայաստանը 30 տարեկան է

Դեկտեմբերի 12-ին Վանաձորում նշվեց Վորլդ Վիժն Հայաստան միջազգային բարեգործական կազմակերպության 30-ամյակը: Տոնական միջոցառմանը ներկա էր Լոռու մարզպետը, Գուգարաց թեմի առաջնորդըՎանաձորի քաղաքապետը, այլ հյուրեր: Մարզի ղեկավարն իր ելույթում կարևորեց կազմակերպության դերը հատկապես խոցելի խմբերի երեխաների և նրանց ընտանիքների աջակցության գործում: Մանրամասն՝ տեսանյութում

Կարդալ

Պատմագետների դատին հանձնվեց Արամ Սոխակյանի «Հանրագիտակ հայոց պատմության աղբյուրագիտության» գիրքը

Պատմագետների դատին հանձնվեց Արամ Սոխակյանի «Հանրագիտակ հայոց պատմության աղբյուրագիտության» գիրքը

Դեկտեմբերի 10-ին ԳԱԱ պատմության ինստիտուտում կայացավ ծնունդով ալավերդցի, մասնագիտությամբ ծրագրավորող Արամ Սոխակյանի <Հանրագիտակ հայոց պատմության աղբյուրագիտության. հնագույն ժամանակներից մինչեւ 18-րդ դարի վերջը> գրքի շնորհանդեսը: Գիրքը գրելու ընթացքում հեղինակն օգտվել է պատմիչների 644 աշխատություններից: Այն  ընթերցանության կարեւոր նյութ է  հատկապես ուսանողների համար: Շնորհանդեսին ներկա էին Պատմության ինստիտուտի տնօրենը, Մատենադարանի աշխատակիցներ, այլ հյուրեր: Մանրամասն՝ տեսանյութում

Կարդալ

Շուկայի շահագործման ժամկետը կրկին անորոշ է

Շուկայի շահագործման ժամկետը կրկին անորոշ է

Ալավերդու նորակառույց շուկայում օդափոխության համակարգերի և սեղանների տեղադրման աշխատանքներ են կատարվում, որոնք նախատեսված է ավարտել մինչև տարեվերջ: Իսկ թե երբ է շահագործման հանձնվելու շուկան, անորոշ է: Չնայած դեռ ամռանը համայնքապետարանում դիմումներ էին ընդունում՝ այստեղ առևտուր իրականացնել ցանկացողներից:   Մանրամասն՝ տեսանյութում

Կարդալ

Նորոգվում է Հաղպատավանք տանող ճանապարհը

Նորոգվում է Հաղպատավանք տանող ճանապարհը

Մ6 միջպետական մայրուղու հիմնանորոգման աշխատանքներով պայմանավորված՝ Լոռու մարզ եկող զբոսաշրջիկների թիվն այս տարի նվազել է: Իսկ տարածաշրջան եկած զբոսաշրջիկները քանդված մայրուղուց բացի դժգոհել են ենթակառուցվածքների վատ վիճակից, բացակայությունից: Խոսքը ներհամայնքային, մասնավորապես եկեղեցիներ տանող ճանապարհներին է վերաբերում: Հիմա արդեն պետության կողմից 500 մլն դրամ ներդրումով նորոգվում է Մ6 մայրուղուց դեպի Հաղպատավանք տանող ճանապարհը: Աշխատանքներն իրականացվելու են 2 փուլով: Մանրամասն՝ տեսանյութում

Կարդալ

2020-ը ֆինանսական առումով դժվար կլինի. համայնքը բնապահպանական գումար չի ստանա

2020-ը ֆինանսական առումով դժվար կլինի. համայնքը բնապահպանական գումար չի ստանա

2020 թվականին Ալավերդի համայնքը բնապահպանական սուբվենցիաներ չի ստանա: Հետևաբար նախորդ տարիներին բնապահպանական վճարներով իրականացված ծրագրերի թիվը կնվազի, որոշ ծրագրեր էլ կիրականացվեն համայնքի սեփական միջոցներով: Դրանից բացի՝ 2020 թվականից նվազագույն աշխատավարձի բարձրացմամբ պայմանավորված՝ միայն համայնքապետարանում և ՀՈԱԿ-ներում  նվազագույն աշխատավարձի ավելացումը  գրեթե 60 մլնից ավելի գումար կպահանջի: Չնայած ֆինանսական դժվարություններին՝ կրճատումներ չեն լինի,-խոստանում է համայնքապետը: Մանրամասն՝ տեսանյութում

Կարդալ

Ալավերդիում ԲՇՏ-ները ֆինանսական ճգնաժամի մեջ են

Ալավերդիում ԲՇՏ-ները ֆինանսական ճգնաժամի մեջ են

Ալավերդու համար 2 բնակշահագործման տեղամասի պետ Սամվել Աբելյանը  բնակվարձի չափը փոխելու  առաջարկով դիմել է համայնքապետարանի բնակարանային և կոմունալ տնտեսության հարցերի հանձնաժողով: Բանն այն է, որ ներկայում գործող վճարման չափի ու համակարգի պատճառով ԲՇՏ-ները ճգնաժամի մեջ են հայտնվել, կուտակվել են աշխատավարձի պարտքեր: Մանրամասն՝ տեսանյութում

Կարդալ