Հունվարի 28-ին՝ Հայոց բանակի օրը, Վանաձորում հիշատակի միջոցառումներ անցկացվեցին։
Լոռու մարզպետարանի և Վանաձորի համայնքապետարանի ներկայացուցիչները, զինվորականներ, դպրոցականներ ծաղիկներ խոնարհեցին Սպարապետ Վազգեն Սարգսյանի հուշարձանին, ապա այցելեցին Վանաձորի հին և նոր պանթեոններ՝ ոգեկոչելու Արցախյան պատերազմներում նահատակված վանաձորցի զինվորների հիշատակը։
Գուգարաց թեմի հոգևոր դասը Վանաձորի նոր պանթեոնում խաչքարի օրհնության կարգ կատարեց։ Հիշատակի արարողությունը շարունակվեց Վանաձորի Համերաշխության պուրակում։
