Նախորդ տարեվերջից սկսած Հայաստանում սուր-շնչառական հիվանդությունների դեպքերն ավելացել են։ Թե ի՞նչ հիվանդություններ են դրանք, շատ դեպքերում անգամ մասնագետները դժվարանում են տարբերակել։ Իսկ հիվանդները չեն հասկանում՝ իրենց մոտ սովորական մրսածությու՞ն է, թե՞ վտանգավոր վիրուս։
Ալավերդու բժշկական կենտրոնում 2022-ի դեկտեմբերին հիվանդների դիմելիության մակարդակն ամենաբարձրն է եղել։ Նույնիսկ ծայրահեղ ծանր հիվանդներ են տեղափոխվել Երեւան: Բժիշկները խորհուրդ են տալիս ինքնաբուժություն չանել, այլ դիմել մասնագետներին։
