Արևածագի դպրոցում դասասենյակ անվանակոչվեց՝ պատերազմում զոհված հերոսների անվամբ

Լոռու մարզի Արևածագ գյուղը 44-օրյա պատերազմում երկու զոհ է ունեցել՝ 21-ամյա Էրիկ Աբրահամյանն ու 21-ամյա Արտակ Սուքիասյանը։ Նրանք համադասարանցիներ են եղել, սովորել են գուղի՝ Կարո Մելիքսեթյանի անվան միջնակարգ դպրոցում։ Այս կրթօջախում որոշել են իրենց սաների հիշատակը հավերժացնել՝ դասասենյակ անվանակոչելով։ Արարողությունը հունվարի 27-ին էր՝ Հայոց բանակի կազմավորման 30-ամյակի նախօրեին։