Մարտի 18-ին եւ լույս 19-ի գիշերը տեղացած առատ ձյունը վտանգավոր վթարային իրավիճակ է ստեղծել Մ6 միջպետական ճանապարհի՝ Վահագնիից մինչեւ «Սատանի կամուրջ» կոչվող հատվածում: Ծանր բեռնատարների շարասյունը մնացել է ճանապարհին։ Ժամը 12։00-ի դրությամբ չէին կարողանում երթեւեկել նաեւ մարդատար ավտոմեքնաները։ Ճանապարհը խցանված է, իսկ ճանապարհի ձմեռային սպասրակումն իրականացվող կազմակերպության տեխնիկական որեւէ միավոր եւ որեւէ աշխատակից չկա:
Բեռնատարներից մեկի վարորդի խոսքով՝ արդեն 12 ժամ կանգնած է ճանպարահին։ Մինչդեռ պարենային ապրանքներ տեղափոխող այս մեքենաների՝ ժամերով ճանապարհներին մնալն ուղղակի ազդեցություն է ունենում ռուս-ուկրաինական պատերազմի հետեւանքով առաջացած գնագոյացմանն ու խանութներում որոշ ապրանքների դեֆիցիտին։
