Այս տարվա օգոստոսին Հայաստանի կառավարությունը հաստատել է աշնանացան ցորենի արտադրության խթանման 2022 թվականի պետական աջակցության ծրագիրը։
Ծրագրի շահառու կարող են դառնալ մինչև 100 հա մակերեսով ցորենի ցանքատարածություններ մշակողները։ Տնտեսվարողները համայնքապետարաններ պետք է դիմեն մինչեւ հոկտեմբերի 15-ը։ Իսկ ցանքը պետք է կատարվի մինչև նոյեմբերի 10-ը։
Լոռու մարզպետարանի գյուղատնտեսության և բնապահպանության վարչության պետ Արուս Թումանյանը նկատում է՝ գյուղատնտեսական տարվա գլխավոր դժվարությունը կրծողների դեմ պայքարն է, հաջորդ խնդիրը՝ ոռոգման ջրի ոչ մեծ քանակը։
