Հունիսի 23-ին երկարատև ու ծանր հիվանդությունից հետո ԱՄՆ-ում մահացավ հեռուստալրագրող, բանասիրական գիտությունների դոկտոր Սերգո Երիցյանը։
Նա եղել է հեռուստալրագրության ոլորտի առաջին դոկտոր-պրոֆեսորը։ Մասնագիտական մոտ 20 ձեռնարկի և Հայաստանի հեռուստալրագրության պատմության մասին միակ գրքի հեղինակն է։ Մեծ ներդրում է ունեցել նաև լրագրողական կադրերի պատրաստման գործում։
Սերգո երիցյանին ճանաչողները նրա մասին դժվարությամբ են անցյալով խոսում։ Նրա մասին հետաքրքիր զրույցներն ու պատմությունները վերջ չունեն։
Սերգո Երիցյանն այլևս մեզ հետ չէ, ասել է թե՝ այլևս չի գեներացնի տասնյակ մտքեր ու գաղափարներ, որ նա իրականություն էր դարձնում միաժամանակ։ Բայց մեզ հետ է նրա բարի անունը, անհիշաչար, աջակցող, անսահման աշխատասեր ու բոլորին բարին կամեցող մարդու անունը։
