Կաճաճկուտի բնակիչ 92-ամյա Ռոզա Դավթյանը գյուղի բնիկներից է, Դավթյանների ավանդապաշտ ընտանիքի ավագը։ Կենսուրախ ու լավատես կինը մինչև հիմա աշխատում է․ տան երիտասարդ անդամների մշտական օգնող ձեռքն է։
Երիտասարդներն անգամ կնախանձեն տատի առողջությանն ու լավատեսությանը: Իր ապրած երկարատև կյանքից Ռոզա Դավթյանը դժգոհ չէ, միայն թե, ասում է, շատ կուզեր, որ գյուղի փողոցները լցվեին երիտասարդների ու մանկան ճիչերով։