Նոյմեբրի 26-ին ՀՅԴ անդամ, «Հայաստան» խմբակցության պատգամավոր Քրիստինե Վարդանյանը ֆեյսբուքյան իր էջում գրառում է արել, ըստ որի՝ Լոռու մարզի մի քանի քաղաքացիներ դաժան ծեծի էին ենթարկվել Պարեկային ծառայության աշխատակիցների կողմից:
Միջադեպը տեղի էր ունեցել այն ժամանակ, երբ Պարեկային ծառայությունը փորձել էր ճանպարհն ազատել Նիկոլ Փաշինյանի շարասյան համար և այդ ընթացքում վեճի բռնվել տարեց քաղաքացու հետ, ով պարզապես խնդրել է իր հետ հարգանքով խոսել:
Խոսակցությանը միջամտել էր տարեց քաղաքացու տղան, որից հետո Պարեկային ծառայության ավելի մեծ թվով աշխատակիցներ էին եկել և դաժան բռնություն կիրառել քաղաքացիական անձանց նկատմամբ` օգտագործելով նաև արցունքաբեր գազ:
Տուժածները, այդ թվում մեկ անչափահաս, տարբեր կոտրվածքներով ու վնասվածքներով հիմա գտնվում են Վանաձորի բժշկական կենտրոնում։
