Ուշացած պարարտանյութի հետքերով

Լոռու մարզի Գյուլագարակ խոշորացված համայնքում գյուղացիները հիմնական եկամուտ ստանում են կարտոֆիլի և հացահատկի մշակությունից։ Այս տարվա համար «եկամուտ» ասվածը, սակայն, բարձր է հնչում, որովհետև արտադրողները գյուղատնտեսական տարին ձախողված են համարում։ Կառավարության կողմից խոստացված մատչելի պարարտանյութը նոր է համայնքի բնակավայրեր հասնում։ Խնդրի դառը պտուղներն էլ նորից գյուղացին է քաղելու։