Հունիսի 30-ին Ալավերդու մշակույթի կենտրոնում գրքի շնորհանդես էր։ «Ձյունոտ գարնան արևներ»-ը հեղինակի՝ Գևորգ Արշակյանի բանաստեղծական երկրորդ ժողովածուն է։
Գևորգի ստեղծագործություններում բողոք և ընդվզում է անարդարության, անիրավ աշխարհի դեմ, ինչի կողքին ապրում են սերն ու թախիծը։
Շնորհանդեսի ընթացքում նրա ստեղծագործությունները կարդացին և կարծիքներ հայտնեցին ընթերցողները։ Ապա ելույթ ունեցան Ալավերդու «Լազուր» ժողգործիքների համույթի մենակատարները։
