Հունվարի 9-ին Հայաստանում մեկնարկել է ձմեռային զորակոչը։
Ալավերդու տարածաշրջանից նորակոչիկների առաջին խումբը ծառայության մեկնեց այսօր՝ հունվարի 12-ին։
Հավաքակայանում մոտ 50 նորակոչիկներ ևս մեկ անգամ բուժզննում անցնելուց և փաստաթղթերի հավաքագրումից հետո շարժվեցին դեպի Սուրբ Գրիգոր Նարեկացի եկեղեցի՝ մոմավառության և միասնական աղոթքի։
Վերջին տարիներին Ալավերդու համայնքապետարանի նախաձեռնությամբ տարածաշրջանի նորակոչիկներին զինվորական ծառայության են ճանապարհում եկեղեցամերձ տարածքից։
Պահպանիչ աղոթքից ու մաղթանքներից բացի նաև հայկական զուռնան է հնչում։
