Լոռու Ձորագյուղը Փամբակ խոշորացված համայնքի 15 բնակավայրերից մեկն է։ Համայնքները խոշորանում, միավորվում են, բայց գյուղերը, ինչպես պարզվում է, դրանից չեն շահում։ Ձորագյուղում չգիտեն, թե ինչու է իրենց գյուղն այդքան հետ մնացել։ Ասում են՝ շրջանի միակ բնակավայրն է, որը գազ չունի։ Չնայած որ մայր գազատարը հեռու չէ գյուղից։
Հեռավոր շատ գյուղերի նման այստեղ էլ ամուսնացնելու տասնյակ տղաներ կան: Գյուղ հարս չի գալիս, տեղացի աղջիկներն էլ նախընտրում են նույնիսկ օտար ափերը, միայն թե չմնան առանց գազի, ճանապարհի, տրանսպորտի և աշխատատեղի Ձորագյուղում:
