Հուլիսի 1-3-ը Հաղպատում և Ալավերդիում կկայանան միջոցառումներ՝ նվիրված անվանի կինոռեժիսոր Յուրի Երզնկյանի ծննդյան 100-ամյակին:
Ալավերդու մշակույթի կենտրոնից տեղեկացնում են, որ հուլիսի 1-ին ժամը 17։00-ին Հաղպատի մշակույթի տանը կտրվի հոբելյանական միջոցառման մեկնարկը: Բացման խոսքով հանդես կգան ՀՀ ԿԳՄՍ փոխնախարար Արա Խզմալյանը, Յուրի Երզնկյանի դուստր, կինոգետ Անետա Երզնկյանը: Այնուհետև տեղի կունենա «Յուրի Երզնկյան» գրքի շնորհանդեսը:
Բանախոսներ՝ կինոգետ Դավիթ Մուրադյան, «Այս կանաչ, կարմիր աշխարհը» ֆիլմի դերասաններ Սոֆիկ Սարգսյան և Հակոբ Ազիզյան։
Ապա կհետևի Երզնկյանի ֆիլմերի պաստառների ցուցահանդեսն ու ֆիլմերի ցուցադրությունը՝ «Եթե գաք մեզ մոտ՝ Հաղպատ»/20րոպե/ և «Այս կանաչ, կարմիր աշխարհը» /65րոպե/
Հուլիսի 2-ին ժամը 13:00-ին Հաղպատի մշակույթի տանը կցուցադրվեն Յու. Երզնկյանի ֆիլմերի պաստառները, ապա «Եթե գաք մեզ մոտ՝ Հաղպատ»/20րոպե/ և «Փառքի օղակներ»/79րոպե/ ֆիլմերը:
Իսկ երեկոյան ժամը 21:00-ին «Քեֆիլյան» հյուրանոցային համալիրում կցուցադրվեն Յու. Երզնկյանի «Եթե գաք մեզ մոտ՝ Հաղպատ» և «Խաթաբալա» ֆիլմերը։
Հուլիսի 3-ին ժամը 13:00-ին Յու. Երզնկյանի ֆիլմերի ցուցադրությունը կկայանա Ալավերդու մշակույթի կենտրոնում՝ «Եթե գաք մեզ մոտ՝ Հաղպատ», «Խաթաբալա»:
Հայաստանի Կրթության, գիտության, մշակույթի և սպորտի նախարարությունը, Հայաստանի կինոկենտրոնը, «Յուրի Երզնկյան» հիմնադրամը և Ալավերդու մշակույթի կենտրոնը սիրով հրավիրում են մասնակցելու մեր անվանի հայրենակցի 100-ամյա հոբելյանին նվիրված միջոցառումներին:
