Փետրվարի 23-ին Օձուն խոշորացված համայնքի ղեկավար Արսեն Տիտանյանը մարզպետարանի ներկայացուցիչներին, համայնքի կազմում գտնվող բնակավայրերի վարչական ղեկավարներին ու շահագրգիռ այլ անձանց ներկայացրեց Օձունի 2021 թվականի բյուջեի կատարման հաշվետվությունը։
Խոշորացված համայնքի նախորդ տարվա բյուջեն մոտ 422 մլն դրամ է կազմել։ Ըստ համայնքապետի՝ հաշվետու տարում աննախադեպ ծավալների շինաշխատանքներ են իրականացվել։ Կատարվել են հնգամյա զարգացման ծրագրով նախատեսված բոլոր աշխատանքները։
