Հայաստանի օդային տարածքով՝ Սևանա լճի վրայով դեպի Նախիջևան, թշնամի երկրի օդանավերը նորից սկսել են թռիչքներ իրականացնել։ Ադրբեջանի քաղաքացիական ավիացիային պատկանող և հենց այդ երկրում էլ գրանցված J2255 օդանավը վերջին օրերին մտնում է Հայաստանի տարածք, Գեղարքունիքով ու Վայոց ձորով թռչում վայրէջքի կետ՝ Նախիջևան։
Մինչդեռ սեպտեմբերի 13-ի ադրբեջանական հարձակումից հետո օդանավը մինչև հոկտեմբերի 8-ը միայն մեկ անգամ՝ սեպտեմբերի 20-ին է անցել Հայաստանի օդային տարածքի հարավային հատվածով՝ Սյունիքի վրայով։
