Օգոստոսի 12-ին Գուգարաց թեմի նախաձեռնությամբ Հաղպատում կայացավ գիտաժողով, որի թեման Արևմտյան Հայաստանում և Արցախում գտնվող վտանգված խաչքարերն էին։ Գիտաժողովին մասնակցում էին անվանի գիտնականներ, մշակույթի գործիչներ։
Զեկուցմամբ հանդես եկավ Մայր Աթոռ Սուրբ Էջմիածնի Արցախի հոգևոր մշակութային ժառանգության պահպանության գրասենյակի տնօրեն տեր Գարեգին վարդապետ Համբարձումյանը։ Նա խոսեց այն քայլերի մասին, որոնք իրականացվում են Արցախի հոգևոր ժառանգության հնարավոր պահպանման համար։
