Դեբեդի հովտում ակտիվ շինարարական եռուզեռ է։ «Հայաստանի մանուկներ» հիմնադրամն այստեղ մի շարք ծրագրեր է իրականացնում։ Արդեն իսկ մեկնարկել է Դսեղի առողջության կենտրոնի նոր շենքի շինարարությունը, ընթացքի մեջ են նաև Մ6 մայրուղու վրա գտնվող այցելուների կենտրոնի շինաշխատանքները։ Համալրվում են նաև Արցախից տեղահանված ընտանիքների կացարանները, որոնք շուտով կբնակեցվեն։
